Ligblou + Lila { Sweef op ‘n Wolkie }

ligblou-en-lila

Díe besonderse kleurskema is eintlik wonderlik gebalanseerd in soveel opsigte – sag sonder om te vroulik te wees vir die bruidegom, kontemporêr tog met ‘n tikkie vintage persoonlikheid, en koel dog karaktervol. Verder kan jy gerus van baie wit gebruik maak sodat gaste nie oorweldig voel wanneer hulle die venue binnetree nie, terwyl grys ook ongelooflik komplementerend is.

‘n Belangrike eienskap van die kleurskema is die veerligte en elegante karakter daarvan – dit wil sê dat alles van die dekor tot die kos gesofistikeerd dog eenvoudig moet wees om so tot die ambians by te dra.

Hier is ‘n paar idees om jou in die regte rigting te stuur:

Skep ‘n gesofistikeerde lila en blou nageregtafel deur dit met ‘n verskeidenheid elegante happies te vul, soos bloubessie en laventel makrolletjies, kolwyntjies en sorbet.

  • Wat blomme betref, kan jy kombinasies van blou en pers krismisrose gebruik asook lila laventel, rose, peonies, kosmos en so aan.
  • Kies ligte pers rokkies vir die strooimeisies en poeierblou baadjies vir die manne.
  • Versier die gastetafels met blou glasware en ligpers breekware soos borde en delikate teekoppies.
  • Rond jou eie bruidsuitrusting met blou skoene af, asook pers edelstene en bykomstighede soos ‘n beltjie of onderrok.
  • Bou op die veerligte ambians van die kleurskema deur van elemente soos vere, vlaggies, lanterns en ballonne gebruik te maak.
  • Beligting speel ‘n baie belangrike rol in die atmosfeer van die geleentheid so verander van tyd tot tyd die algehele toon van die geleentheid deur tussen blou en pers lig te wissel.

Alle foto’s en hul bronne is op ons Pinterest beskikbaar.


Advertensies

Search Our Blog

Browse by Category